//Nyanza: Umusore w’umurundi yiyahuye kuko yabenzwe n’inkumi

Nyanza: Umusore w’umurundi yiyahuye kuko yabenzwe n’inkumi

Umurundi w’imyaka 20 wabaga mu mudugudu wa Akintare mu Kagali ka Mulinja, mu Murenge wa Kigoma mu Karere ka Nyanza tariki 19 Kanama 2013, ahagana saa tatu z’ijoro yiyahuye yimanitse mu kagozi nyuma yo kubengwa n’umukobwa.

mu karere ka Nyanza
mu karere ka Nyanza

Uyu musore wari usanzwe ari umupagasi yari acumbikiwe n’uwitwa Mukamudenge ariko agakunda byimazeyo umukobwa witwa Janvière ngo bikaba ari nabyo byatumye yiyahura.

Ngo mbere y’uko Hatungimana Furaha yiyahura yari yabanje kubimenyesha mu buryo bw’amarenga umusore bari kumwe kuri uwo mugoroba bita Mazimpaka amubwira ko gupfa kwe bimurutira kubaho abona umukobwa wamwanze.

Ubwo hari hashize amasaha make avuze aya magambo ngo baje kumva inkuru mbi y’uko yiyahuye yimanitse mu kagozi; nk’uko Manirakoze Espèrance uyobora akagali ka Mulinja Hatungimana Furaha yiyahuriyemo yabitangarije  KigaliToday.

Yavuze ko uyu musore wiyahuye akenshi yabwiraga bagenzi be ko akunda mu buryo bwahebuje Janvière ariko ngo akababazwa n’uko we amubenga ahubwo akikundira abandi.

Umurambo w’uyu musore wahise ujyanwa mu bitaro bya Nyanza kugira ngo usuzumwe.

UM– USEKE.RW