//Muzika hari icyo imaze kutumarira abahanzi – Young Grace

Muzika hari icyo imaze kutumarira abahanzi – Young Grace

Abayizera Grace uzwi nka Young Grace umwe mu bahanzikazi bakora injyana ya HipHop ubusanzwe usanga benshi baba bazi ko iyi njyana ikorwa n’abahungu, asanga muzika imaze kugira icyo imarira abahanzi bayikora.

Young Grace.
Young Grace.

Young Grace yabwiye Umuseke ko ugeza ubu ari kubona itandukaniro ku mumaro wa muzika mu myaka ishize n’ubu.

Ati: “Wasangaga mbere umuntu yarayikoraga kugirango yerekane impano ye ariko adateganya ko ashobora kubona amafaranga ashobora kumuhindurira ubuzima.”

Abayizera avuga ko ubu usanga abahanzi benshi bamaze kumenya ko iyo ukoze ibintu byiza birigurisha bityo ukaba wabona ubundi buzima bwiza ubikesheje muzika yawe ukora.

Young Grace ni umwe mu bahanzi bitabiriye irushanwa rya Primus Guma Guma Super Star II, akaba anatangaza ko yamaze gushyira hanze indirimbo nshya yise “Party” yakoranye n’umuhanzi Tizzo.

Joel Rutaganda
UM– USEKE.RW