//Miss RWANDA ari muri Belarus mu marushanwa y’Isi

Miss RWANDA ari muri Belarus mu marushanwa y’Isi

Kayibanda Mutesi Aurore nyampinga w’u Rwanda yerekeje mu gihugu cya Belarus mu burayi bw’uburasirazuba aho yahagarariye u Rwanda mu marushanwa yaba nyampinga baturutse mu bihugu bitandukanye ku Isi.

Aurore mu ikanzu ndende mu gihe abandi bambaye imyenda migufi
Aurore aho ari guhatana n’abandi mu mujyi wa Minsk

Amarushanwa arimo ni ayitwa ‘Miss Supranational’ ahuza aba banyampinga bahagarariye ibihugu byabo aho bahigana mu gusobanura neza ibyiza biranga igihugu cyabo n’ibyiza by’umuco w’igihugu cye nkuko bitangazwa na Grobalbeauties.

Abakobwa b’ibihugu 94 bahiga abandi mu bihugu byabo nibo bateraniye muri iki gihugu ngo barushanwe kwiyerekana neza no gutaka buri wese igihugu cye.

Tariki ya 6 Nzeri nibwo biteganyijwe ko bazatangaza Nyampinga wahize abandi muri aya marushanwa ya ‘Miss Supranational 2013’ mu mujyi wa Minsk.

Aba bakobwa bahagarariye ibihugu 94 bahageze mbere ngo babanze kwitegura no kumenyera ibyo bagiye kurushanwamo.

Kuwa 18 Kanama aba bakobwa bageze i Minsk bafatwa amafoto bagezwa aho bagomba kuba. Guhera kuri uyu wa kabiri tariki 20 batangiye gutemberezwa, bazagezwa mu mijyi ya Polotsk, Vitebsk, Lida, Grodno, Brest, Nesvizh.

Guhera kuwa 28 Kanama bazasubira i Minsk mu murwa mukuru batangire gusubiramo (repetition) ibyo bazamurikakugeza kuwa 6 Nzeri ubwo hazaba amarushanwa muri Sports Palace aho Minsk.

Tariki 7 na 8 Nzeri bazataha.

Mu kwezi kwa gatandatu Miss Rwanda yegukanye umwanya wa mbere muri FESPAM yaberaga i Brazaville muri Congo.

Botswana, Cameroun, Cote d’Ivoire, Ethiopia, Gabon, Ghana, Namibia, Nigeria, Sierra Leone, South Africa, Tanzania, Togo, Zimbabwe n’u Rwanda.

Miss Supranational ni irushanwa mpuzamahanga ritegurwa na   World Beauty Association ikorera muri Panama. Uwarygukanye ubushize muri Nzeri 2012 ni Ekaterina Buraya wo muri Belarus.

Mu nshuro eshanu ribaye nta na rimwe rirataha muri Africa, ntanubwo umwe mu bavuye muri Africa araza muri bane ba mbere.

Gusa abantu ndetse na ba nyampinga bahanganye na Mutesi, batunguwe cyane no kubona yanga kugaragaza uburanga bwe mu twambaro bogana, ubwo basabwaga kutwambara ngo bafatwe amato we yaje yarengeje agashura ku kenda k’imbere, bakibaza niba abiterwa n’umuco cyangwa ari impamvu z’idini.

Uku niko babasabaga kwifotoza bambaye
Uku niko babasabaga kwifotoza bambaye
Miss Mutesi Aurore we yaje yarengejeho agashura
Miss Mutesi Aurore we yaje yarengejeho agashura
Nyuma yasabye Gafotozi kumwereka niba yamufotoye neza
Nyuma yasabye Gafotozi kumwereka niba yamufotoye neza

I Minsk azitwara ate?  Amahirwe kuri Miss Rwanda

Aurore hamwe n'abo bari kumwe mu irushanwa
Aurore hamwe n’abo bari kumwe mu irushanwa
Aurore hano yafataga ifunguro na bagenzi be
Aurore hano yafataga ifunguro na bagenzi be

 globalbeauties

Joel Rutaganda
UM– USEKE.RW