Digiqole ad

Centrafrique: Inyeshyamba za Anti-Balaka zishe umusirikare w’Umunya-Maroc

 Centrafrique: Inyeshyamba za Anti-Balaka zishe umusirikare w’Umunya-Maroc

Kuri iki cyumweru tariki 23 Nyakanga, mu mvururu zimaze iminsi zarubuye mu gace ka Bangassou kari mu majyepfo y’Uburasirazuba bwa Centrafrique, inyeshyamba za Anti-Balaka zishe umusirikare ukomoka muri Maroc wari mu butumwa bw’amahoro bw’Umuryango w’Abibumbye ‘MINUSCA’.

Jeuneafrique dukesha iyi nkuru iravuga ko inyeshyamba za Anti-Balaka zagabye igitero ku modoka za MINUSCA zicamo uriya musirikare utatangajwe amazina, ndetse zikomeretsa abandi batatu.

Itangazo rya MINUSCA ryavuze ko imodoka zarimo amasirikare ba MINUSCA zatezwe igico (embuscade) n’inyeshyamba za Anti-Balaka, iki gitero ngo cyakozwe ku ngabo zikomoka muri Maroc zari ziherekeje imodoka nini zari zitwaye Siterine nini z’amazi (camions-citernes) yarimo ajyanwa mu mujyi kugira ngo abaturage bayakoreshe.

MINUSCA iti “Turihanganisha umuryango wa nyakwigendera, abaturage ndetse na Guverinoma y’Ubwami bwa Maroc.”

Kuwa gatanu ushize, nabwo Anti-Balaka zari zarashe ku ngabo za MINUSCA, mu guhangana n’inyeshyamba zabarasaga hapfamo inyeshyamba imwe.

UM– USEKE.RW

Leave a Reply

Your email address will not be published. Required fields are marked *

en_USEnglish
en_USEnglish