Amavubi 18 atarimo Ndoli na Djihad niyo ajya aguhangana na Ghana
Amavubi atozwa na Jimmy Mulisa atangaje urutonde rw’abakinnyi 18 bazakina na Ghana tariki 3 Nzeri 2016 mu gushaka itike yo kujya mu gikombe cya Afurika kizabera muri Gabon 2017 (nubwo amahirwe y’u Rwanda yarangiye).
Mu bakinnyi 24 bari mu mwiherero w’Amavubi barimo kapiteni Haruna Niyonzima ukinira Yanga Africans, Jacques Tuyisenge wa Gor Mahia, Mugiraneza Jean Baptiste Migi wa AZAM FC na Sugira Ernest wa AS Vita Club yo muri Congo, hagombaga gutoranywamo abakinnyi 18 bajya muri Ghana kuri uyu wa kane tariki 1 Nzeri 2016.
Abakinnyi Jimmy Mulisa na Mashami Vincent umwungirije bahisemo gusiga ni: Ndoli Jean Claude, Onesme Twizerimana ,Danny Usengimana , Bizimana Djihad, Butera Andew na Kayumba Soteri
Urutonde rw’abakinnyi 18 bazajya muri Ghana
Abazamu: Ndayishimiye Eric Bakame na Nzarora Marcel
Ba myugariro: Rusheshangoga Michel, Imanishimwe Emmanuel, Ndayishimiye Celestin, Usengimana Faustin, Manzi Thierry, Munezero Fiston na Herve Rugwiro
Abakina hagati: Mugiraneza Jean Baptiste, Niyonzima Haruna, Hakizimana Muhadjiri, Niyonzima Ally, Yannick Mukunzi, Nshuti Dominique Savio na Innocent Habyarimana.
Abataha izamu: Tuyisenge Jacques na Sugira Ernest
Roben NGABO
UM– USEKE.RW
1 Comment
KURI NJYE ABA BAKINA HANZE BARI KUBIHORERA CYANE KO NTAKINTU KININI DUHARANIRA UBU BAGAHA AMAHIRWE ABANDI BAKIZAMUKA.
Comments are closed.